Podcasts · Kids & Family

بكل حب

Hakawati | حكواتي

60 episodes

يهدف بودكاست "بكل حب" إلى رفع الوعي ونشر التوعية السليمة حول مواضيع مختلفة تخص تربية الأطفال بحب وأمان. كيف يمكن أن نمنح أطفالنا الوقت، والمساحة الآمنة والحب غير المشروط في كافة مراحل نموّهم بطريقة واعية، هادئة، لطيفة ومتناغمة وفق مبدأ وقوانين الطاقة.

More about the show

أطفالنا يستحقون أن نربيهم بكل حب.

Episodes page 1 of 2

  1. شو المواضيع لي مهم نحكيها مع ولادنا قبل ومع بداية العام الدارسي؟

    بعيداً عن كل التحضيرات الخاصة بالكتب والشنط والقرطاسية، وبعيداً عن كل المواعظ لي ممكن تتعب وتضغط الطالب/ة ليكونوا عم يعطوا أفضل ما عندهم هيدا العام، شو هيي أهم المواضيع والأحاديث لي ضروري جداً نحكي فيها مع ولادنا قبل…

  2. ليش مهم جداً نربي ولادنا يكونوا أحرار؟

    هيك الموضة، هيك لازم، هيك كل العالم ماشية ليش نحنا بدنا نحرم ولادنا من إنو يكونوا متل الكل؟ وأنا سؤالي ليش بدنا نمشي متل الكل وما نسائل وليش بدنا نسلب ولادنا إرادتهم الحرّة وحقهم يكون عندهم رأي مختلف لأنو الكل ماشي…

  3. ليش مهم جداً نغمر أطفالنا؟

    يعني هيك بدنا نقضّيها عم نغمر ولادنا كل النهار؟ وهيدي الجيل عم يطلع كتير مغنّج من ورا هالشي؟ مين قال إنو الغمرة بتخلّي الطفل يطلع كتير مدلّع؟ وليش بدنا نضلّ حاملين هالنظريات وماشيين فيها على حساب صحة أطفالنا النفسية…

  4. كيف ممكن نشرح جدار الصوت لأطفالنا من دون ما نكذب عليهم أو نخوّفهم؟

    مع كل خرق لجدار صوت عم يصير يومياً بلبنان في صوت مزعج عم يطلع وعم يكون مرعب لكتير من الأطفال وحتى للمراهقين. كيف فينا نشرح اولادنا شو يعني جدار صوت بشكل علمي ومبسّط من دون ما نكذب عليهم أو نخوّفهم ومع الحفاظ دايماً على…

  5. جدار صوت رجعّلي عالواجهة تروما من ٣٥ سنة لورا

    لبعض الناس بيقدر يكون عادي جداً جدار صوت وعم يصير كل يوم وتعوّدنا على هالشي بلبنان، و للبعض بيقدر يخلق خوف ونقزة قوية أو بيقدر يضهّر عالواجهة صدمات قديمة ومنسية مرتبطة بأصوات وحوادث الحرب. هل غلط أو عيب نشعر بالخوف…

  6. يلّا خلص شهر تمّوز وخلصت الصيفية و ما بقى في كتير للرجعة عالمدرسة

    هيدي الجملة الأهل بيضلّوا يقولوها قدام الولاد وهني عن جد مش عارفين قدي ممكن تكون مزعجة للطفل أو للمراهق هني وبعدن عم يستمتعوا بعطلتهم الصيفية. ليش مهم نسمح للولاد يتسلّوا ويفرحوا بالصيف ونعطيهم كل وقتهم من دون…

  7. رسبت بالمدرسة هالسنة؟ ما في إلك ضهرات ولا مشاوير ولا ألعاب

    كم مرّة سمعتوا هالجملة من حولكم أو حتى بحياتكم؟ ليش بعد في كتير أهل بيعاقبوا ولادهم وبيحرّموهم من المرح وبيستخدموا معهم عبارات قاسية ومدمّرة وقت ما يكونوا نجحوا بإمتحانات آخر العام؟ قديش ممكن هالشي يخلق شعور بالعار،…

  8. أقل من درجة ممتاز بالإمتحانات الرسمية ما برضى

    ولادي ما بينجحوا إلا ب Mention أقل من ممتاز ما بقبل. ما عندي ولاد ما بتجيب درجات امتياز عالية بالإمتحانات الرسمية. إبن عمك بشو أحسن منك ليجيب درجة ممتاز وانت شو ناقصك وشو منقّصين عليك كرمال ما تكون متلو؟ وليش كل…

  9. معقول تخلّي إبنك يروح تخصّص مهني وتحطّيه مع الفاشلين؟

    معقول تخلّي إبنك يروح على تخصص مهني؟ بدك تحطي مع الفاشلين؟ شو بيقولوا عنا العالم؟ مش طالع من أمره شي راح كفّى مهني؟ ليش بعد في ناس عندها هالنظرة البشعة عن التعليم المهني وليش بيتمّ تصنيف الطلّاب لي بيتوجّهوا يتابعوا…

  10. ليش مهم جداً نسمع لقلق وخوف أطفالنا قبل أي تغيير جديد بحياتهم؟

    بهيدي المرحلة من السنة في كتير أطفال ومراهقين بيمرّوا بتغييرات عديدة من تغيير مدرسة بسبب تغيير البيت، الإنتقال لمرحلة دراسية جديدة، عدم الشعور بالراحة بالمدرسة لي هني فيها أو حتى الإنتقال لبلد جديد. كيف ممكن نخلق مساحة…

  11. طفلة من غزّة: لما بابا ساب إيدي، راح الحب

    هيدي الجملة قالتها طفلة من غزّة بأول العام بس كانوا عم يسألوها عن أمنيتها للعام الجديد وكانت أمنيتها يرجع والدها جنبها، والدها لي كان سندها متل ما حكيت وتم اعتقاله. نحن وعم نحتفل بيوم الأب قدي مهم نتذكّر كيف عم نكون…

  12. ما بحب وقت تشتغلي كل النهار وتكوني معصّبة

    ممكن كتير يمرّ علينا إيام كأهل نشعر فيها إنو اشتغلنا وتعبنا كتير، كان نهارنا طويل، انفعلنا، عصّبنا، حكينا بنبرة قاسية، زعلنا وهيدا شي كتير طبيعي. بس كيف ممكن ولادنا يتلقوا ردّات فعلنا، كيف ممكن يفهموها، قدي ممكن…

  13. عن جد بتعقدي تلعبي مع بنتك وبتعمليلا نشاطات؟ شو إلك جلادة

    شو إلك جلادة ! كل ما إسمع هالجملة كتير بزعل ! إذا مش نحنا كأهل قعدنا ولعبنا مع أطفالنا واستمتعنا معهم بأجمل مراحل حياتهم وأعطيناهم كل الوقت لينمّوا خيالهم ، ويبدعوا، ويخترعوا، ويطوّروا مهاراتهم ومواهبهم، ونخلق تواصل…

  14. إذا ما دخلتي متل الكل عالإحتفال ما رح يطلعلك كاتو

    من أكتر الأخطاء لي بيرتكبوها الأهل بلا ما ينتبهوا هوي بس يجبروا أطفالهم يحضروا حفلات أعياد ميلاد أصحابهم أو أي احتفال تاني وتهديدهم بحرمانهم من قصص معيّنة بيحبوها أو من الحصول على الطعام من دون الأخذ بعين الإعتبار إنو…

  15. كيف منشجّع أطفالنا على الإيمان بتحقيق أمنياتهم؟

    بس أطفالنا يشاركونا أمنياتهم، مهم جداً نشجعهّم على الإيمان فيها وبنفسهم، بقيمتهم الذاتية، وبإستحقاقهم العالي بدل من اللجوء للإستخفاف فيهم وبأحلامهم أو بوضع عوائق بتحبط عزيمتهم وبتدفعهم يتخلّوا عن عزيمتهم وقدرتهم على…

  16. مين قال إنو ولادنا مش ممكن يفرحوا بالإشيا البسيطة والحقيقية؟

    قدي مهم يكون عنا وعي كأهل إنو نكون عم نربي ولادنا يختاروا لي هني بيرغبوا فيه وبيحبوا مش لي دارج من حولهم مش لي نحنا بدنا ياه كرمال نكون عم نعيش متل الكل ونواكب العصر؟ مين قال إنو الولاد ما فيها تفرح بالقصص البسيطة لي…

  17. سنة حلوة لبنتي الحلوة ولبودكاست بكل حب

    بودكاست بكل حب غاب ٣ أشهر وعم يرجع اليوم ببداية متجددة وبرسالة حب وإمتنان لبنتي لي كبرت سنة وكبر معها بودكاست بكل حب سنة جديدة. ياسمينا لي غيّرت كتير قصص بحياتنا وألهمتني العام الماضي خصّص بودكاست عن يوميات أطفالنا…

  18. بعدك زعلانة؟ لاء، عطيت وقت لمشاعري وهلّق صرت أحسن

    ليش مهم نسمح لولادنا يحزنوا وما نتسرّع ونحاول نتحكّم بمشاعرهم لنوقّف الشي لي عم يشعروا فيه إن كان خوفاً عليهم أو إن كان لأنو كان معنا وقت لمشاعرهم؟ قدي مهم نعلّمهم يواجهوا ويقولوا الحقيقة للشخص لي زعجهم ليكبروا صادقين…

  19. وقت كنتو زغار ما كنت شيل ولا غرض من قدامكم! كم مرّة سمعتوا هالجملة؟

    وقت كنتوا زغار ما كنت شيل ولا غرض من قدامكم. البيت كان يضلّ مرتب، نضيف، ما كنتوا تمسكوا منفضة. كم مرّة سمعتوا هالجملة من أهاليكم؟ وقدي خلق هالشي ميل لكل شي يكون مثالي وكامل بحياتكم وقدي بتقسوا على حالكم إذا ما كان كل…

  20. كيف منربّي جيل بيعرف ياخد مواقف إنسانية؟

    وعّتني بنتي من كم يوم لتخبرّني عن شي صار معها من سنة وزعجها كتير وقدرت بوقتها تعبّر عن موقفها بحزم. هيي وعم تحكي ذكّرتني بكتير مواقف منتربّى فيها على الخوف من إنو ناخد موقف صح. قدي مهم نسمح لأطفالنا يسمعوا لحدسهم،…

  21. سألتني بنتي إذا تم تدمير كل شي بفلسطين وقتلوا كل الناس لي بتعمّر بيوت مين بيرجع يعمّر؟

    بطريقة كتير بريئة وصادقة سألتني بنتي هيدا السؤال وأخذني دقايق لإقدر جاوبها واشرحلها على قد عمرها انو صحيح في وجع ودمار واشيا مؤلمة عم تصير، رح يضلّ في مكان للحلم بفلسطين حرّة وعم ترجع تتعمّر ! كيف منساعد الأطفال اليوم…

  22. كيف منعلّم ولادنا يقدّروا قيمة أي شي بالحياة؟ من خلال تعزيز الإمتنان بقلوبهم

    ابني ما بيعجبه شي؟ بنتي شو ما اشتريتلا ما بتقدّر شي؟ ولادي ما عم يعرفوا قيمة شو عم نقدملّهم، كل لي عندهم ياه هلّق ما كان عنا ياه بعمرهم! لأنو كنتوا شاطرين أخذناكم هالمشوار. قلت شكراً لتيتا وجدو ؟ مع بداية هيدا العام…

  23. كل عام والأطفال أحرار، محميّين، غير مبرمجين، صوتهم مسموع وبصيرتهم مفتوحة

    بليلة راس السنة، أمنيتي الأطفال يكبروا بأمان، يكونوا دايماً محميين، حقوقهم محفوظة، أحرار بفكرهم، غير مبرمجين، صوتهم مسموع، بصيرتهم مفتوحة ومحبوبين من دون تمييز وأجندات وحسابات وشروط. نحنا وعم ننهي سنة ونبدا سنة جديدة…

  24. بليلة عيد الميلاد، حب كبير لكل طفل موجوع وحيد

    بليلة عيد الميلاد، بتمنى نتذكر انو بلحظات الاحتفالات الكبيرة؟ في أطفال عم تنقصف بكل دقيقة وفي أطفال وحيدة وموجوعة وخسرت كل شي بيعطيها الأمان والدفا. بكل حب بتمنى نمنح ولو ٥ دقايق من وقتنا نبعت فيها نية حب وسلام لقلب كل…

  25. وسط تحضيرات الأعياد، كيف مننمّي حسّ الإنسانية عند أطفالنا بعيداً عن اللامبالاة والذنب؟

    بين مش قادرين نعيّد ولا بدنا نعيّد ولا نحتفل أو عم نحاول بس كرمال ولادنا وبين لا والله بدنا نعيّد، ونعيش، تعبنا وهيدي الحرب مش عنا ونحنا أصلاً ما بدنا الحرب.. شو منقول لأطفالنا وكيف منمّي فيهم الإنسانية، وروح العيد…

  26. ليش ما بتبعتوا بنتكم عالمدرسة؟ لعدّة أسباب وكرمال ما تتعلّم التاريخ والجغرافيا غلط

    إذا قدام عيوننا عم يحاولوا اليوم يغيروا ويكذّبوا لي عم يصير بفلسطين كيف بدنا نختار نصدّق كل شي علّمونا ياه بالكتب والمناهج عن التاريخ والإحتلال والإستعمار؟ وين دورنا اليوم كأهل نختار يكون عنا دور بشو عم يتعلّموا ولادنا…

  27. كيف شرحت المقاطعة لبنتي لي عمرها ٧ سنين؟

    كيف اخترت اشرح لبنتي لي عمرها ٧ سنين عن مبدأ المقاطعة بشكل بسيط جداً وعلى قد عمرها وسمحتلا تكون عم تحافظ على وعيها وبصيرتها وإرادتها الحرّة لتقدر تكون عم تكبر وتميّز صح وبوضوح وتقدر تحافظ على الحق من خلال صوتها ورأيها…

  28. ننزل لعند طفلنا ونغمره ونكرّر حتى لو غلّط هيدي مش عادات من الغرب، هيدا إسمه أمان وحب

    "من نظرة وحدة إبني بيجمد بأرضه وبيسكت! كلمة وحدة وما بعوز عيدها ولادي بيسمعوا الكلمة! جيل اليوم كتير مدلل ومغنّج وما عم نقدر نهدّي.. هيدي تربية الغرب لازم نقاطعها وهيدي موضة التربية الحديثة لازم نرفضها ومن شو بتشكي…

  29. بمناسبة اليوم العالمي للطفل، هل فعلاً كل أطفال العالم بأمان وآخدين حقوقهم صح؟

    بالحديث عن اليوم العالمي لحقوق الطفل لي بيصادف بكرا ب ٢٠ نوفمبر ومع كل لي عم يشهدوا أطفال غزة وفلسطين كلها هل فعلاً بعد في مصداقية بس تحكي المنظمات عن حقوق الطفل؟ هل فعلاً كل أطفال العالم بأمان وآخدين حقوقهم صح وبشكل…

  30. سألت أطفال من كل الأعمار والجنسيات شو يعني سلام؟ هيك كان السلام بعيونهم

    طلبت من صديقات وأصدقاء من مختلف الجنسيات يسألوا أطفالهم لي من مختلف الأعمار شو يعني سلام، وشو بيعنيلهم السلام؟ أجوبتهم كانت كتير معبّرة، مميّزة ومؤثّرة! شو هوي السلام بعيون أطفالنا؟ تابعوا معي هيدي الحلقة الجديدة من…

  31. أطفال اليوم قادة المستقبل.. إذا بدنا تغيير وسلام خلينا نشوف كيف عم نربّي أطفالنا

    إذا نحنا اليوم مزعوجين من كل شي عم يصير حوالينا وعم نشوف قادة ورؤساء دول عم يخذلونا وإعلام عم يضللّ ويتحيّز ويسكت عن الحق.. وإذا نحنا عن جد بدنا تغيير وسلام بهالدنيا خلينا نختار نشوف نحنا كيف عم نربّي أطفالنا لأنو…

  32. بالحرب أنا وزغيرة كنت إسرح بالغيوم لإشعر بالأمان، اليوم كيف منساعد أطفالنا؟

    أنا وزغيرة لإنسى ألم الحرب كنت إسرح بالغيوم والنجوم واتخايل عالم أفضل وأجمل وكنت غوص بالكتب وعيش مغامرات مع الشخصيات لإشعر إني بمكان أفضل. اليوم بهيدي الحرب كيف فينا نساعد أطفالنا يهدأوا؟ كيف منقدر نخبرهم عن الشاكرات…

  33. سألتني بنتي مين فلسطين، ليش في حرب؟ وهل في شجر زيتون كفاية لكل بيت بفلسطين؟

    أنا وزغيرة سألت مين فلسطين؟ وليش عم تقتلوا الفلسطينية ما حدا جاوبني؟ اليوم بعد ٤٠ سنة بنتي سألتني نفس السؤال وسألتني ليش عم يدمّروا الجمال ويدمّروا فلسطين؟ وفي شجر زيتون كفاية لكل بيت بفلسطين؟ شو جاوبتها وشو خبرتها عن…

  34. ما بدّي إعتذر! هل لازم نجبر أطفالنا على الإعتذار؟

    يلا قول Sorry لخيّك… إعتذري من رفيقتك فوراً.. روح قول pardon للتيتا، معكم ٥ دقايق تعتذروا من بعض وتحلّوا المشكل.. ما بدي إعتذر… وأنا ما عملت شي غلط… مش مزبوط أنا عملت هيك… هل لازم نجبر أطفالنا على الإعتذار؟ ليش خطأ…

  35. ما بدهم يلعبوا معي… ما بدهم يكونوا رفقاتي

    ما بدهم يلعبوا معي وما بدهم يكونوا رفقاتي هني من الجمل لي بيخلّوا كتير من الأهل يتألّموا ويغضبوا بس يسمعوا إنو طفلهم عم يشعر إنو متروك أو منبوذ. كيف فينا نساعد أطفالنا على تخطي هيدي المرحلة بشكل صحّي من دون الشعور إنهم…

  36. أفضل وجبة سناك عالمدرسة هي الوجبة المحضّرة بحب مش للتباهي

    بين مين بيحضّر وبيصوّر أفضل وجبة سناك للمدرسة ومن شو بتشكي ساندويش اللبنة الملشّلشة وساندويش الحلاوة المقرقحة: أفضل وجبة سناك عالمدرسة هيي الوجبة المحضّرة بحب مش للتباهي! كيف فينا نختار نحضر السناك الأنسب لأطفالنا بكل…

  37. بسيطة بيبكي كم يوم وبيتعوّد.. بدِّكم تقسّوا قلبكم

    أكتر جملة وأقسى جملة ممكن يسمعوها الأهل عند أول يوم بيروح فيها الطفل عالحضانة أو عالمدرسة هيي بسيطة بيبكي كم يوم وبكرا بيتعوّد وبدكم تقسّوا قلبكم! ليش مهم نوقف نستخدم هيدي النصيحة المؤلمة للطفل وللأهل؟ كيف فينا نختار…

  38. مع الرجعة عالمدرسة، أهم من الشنطة الجديدة المعاملة اللطيفة

    مع الرجعة عالمدرسة لي أهم من الشنطة الجديدة وكل القرطاسية الحلوة، هوي إنو نذكّر أطفالنا بأهمية قيمتهم الذاتية لي ما بتحددها لا الشنطة الجديدة ولا المقلمة القديمة ولا العلامة لي رح يجيبوها بالإمتحان. نذكّرهم بأهمية…

  39. ما بدي إتصوّر! هل لازم نصوّر الأطفال وننشر صورهم من دون إذن منهم؟

    ما بدي إتصوّر، مش عبالي إتصوّر اليوم، ما بحب حدا يصوّرني.. هل بتسمعوا لأطفالكم بس يقولولكم ما بدهم يتصوروا أو بتحبروهم يتصوّروا بالقوة لأنو اليوم تيابهم حلوين، عملوا شي مهضوم، اليوم عيد لازم نتصور مع تيتا وجدو، الكل عم…

  40. إذا ما رح تمشي معنا بهيدي اللحظة، نحنا مغادرين من دونك

    إذا ما رح تمشي معنا بهيدي اللحظة، نحنا فالّين من بلاك أو مغادرين من دونك.. وبيمشوا الأهل وبيتركوا الطفل بركي هيك بيتعلّم وبيتربّى وبيصير يسمع الكلمة وما يعاندهم ! هيدي الجملة مرعبة جداً لدماغ الطفل! هيدي آخر مرّة منضهر…

  41. أنا كم مرّة قلت ما تعملوا هيك…

    أنا كم مرّة قلتلّك هيدا الأغراض بالبيت مش لإلك وما تلعب فيها؟ أنا كم مرّة قلتلّك رح توقع؟ كم مرّة كررت إنو هيدي الشغلة خطرة وما تمسكها؟ ليه ما بتفهم ؟ شفت شو صار معك؟ انبسطت هلّق كيف خرّبتها؟ هالمرّة ما صار شي مرّة…

  42. إنتَ بطل.. إنتَ قبضاي.. ما عندي صبيان بيخافوا!

    إنتَ بطل، إنتَ قبضاي، إبني رجّال، ما عندي صبيان بيخافوا، ليش عم تبكي متل البنات؟ أختك أزغر منك وما بتخاف، ليش تركتهم يضربوك؟ شدّ حالك، بدي ياك رجّال! سجّلوا كاراتيه بركي بيقوى وبيبطّل حسّاس… وغيرها كتير من الكلمات…

  43. بنهار عيد ميلادي حابة ابعت رسالة حب

    لأنو كل شي بيبدأ من طفولتنا ولأني تألّمت كتير بطفولتي وبمراهقتي نتيجة الرفض ولأني يومياً بشغلي وبجلساتي بستمع لكتير قصص بشوف فيها قدي في ألم جاية من الطفولة نتيجة غياب الوعي والحب غير المشروط، بعيد ميلادي اليوم حابة…

  44. هيدي اللعبة لإلي.. لاء لإلي… هل لازم نجبر الأطفال يشاركوا لعبتهم؟

    كلنا تربينا على فكرة أهمية نشارك ألعابنا مع غير أطفال بالوقت لي فعلياً ما كان عبالنا إنو نتشارك بس عملنا هيك إرضاءً لرغبة الأهل، خوفاً من تهديداتهم أو من العقاب و حفاظاً على صورة جميلة وإيجابية أمام العالم ولو هالشي…

  45. وين مسؤوليتنا جميعاً بالحد من تعريض الأطفال للعنف؟

    بعد لي صار مع الأطفال لي تم تعنيفهم وتعريض حياتهم للخطر داخل إحدى الحضانات بلبنان، وين مسؤولية المجتمع كلو بالعمل على تفادي إنو تتكرر هيدي الحوادث لي صارت أو لي عم تصير يومياً إنما بالسرّ أو عالسكت وبالحد من كافة أشكال…

  46. كيف منحمي أطفالنا من التحرّش وكيف منتصرّف في حال حصل تحرّش؟

    كيف ممكن نحمي أطفالنا من التحرّش الجنسي بكل أشكاله وكيف منتصرّف ومنحتضنهم ومنخلقلهم مساحة آمنة في حال تعرّضوا للإغتصاب أو لأي نوع من التحرّش المباشر أو عبر الإنترنت؟ تابعوا معي هيدي القصة بحلقة جديدة من بودكاست 'بكل…

  47. ليه بنتك بتستحي هلقد؟

    ليه ابنك أو بنتك بتستحي هلّقد؟ هل عم تسمعوا هيدي الجملة بس تكونوا بمكان عام مع أطفالكم وبيرفضوا أو بياخدوا وقتهم ليحكوا ويتفاعلوا مع الموجودين؟ هل يتجبروهم يحكوا أو بتعطوهم وقتهم ومساحتهم؟ وهل فعلاً إذا ما تفاعلوا هني…

  48. ما بدي إلبس هول التياب وبدي كل كلسات لون

    ما بدي إلبس هول التياب، وبدي إلبس كل فردة كلسات لون، وهيدا الحذاء بيزعجني، وبرتاح ضلّني حافية، وما بحب إنقل من التياب الشتوي للصيفي، وبحب كون بالتياب لي أنا برتاح فيهم. هل بتسمحولهم يلبسوا لي بيرتاحوا فيه أو بتجبروهم…

  49. كم مرّة قلتلّك ما تلوّن برّا الزيح؟

    كم مرّة قالولكم إنتو وزغار ممنوع أو غلط تلوّنوا برّا الزيح أو خارج الخطوط؟ وهل اليوم عم تقولوا الجملة ذاتها لأطفالكم؟ ليش مهم جداً ما نجبر الطفل كيف يلوّن، وأي لون يستخّدم وكيف يعمل الأشغال اليدوية وكيف ممكن هالشي…

  50. ليه ما فيني آكل غزل البنات؟

    ليه ما فيني آكل غزل البنات؟ وليه بيعملوا إشيا ملوّنة ومغلّفة بعلب ورسومات وألوان ملفتة ومغرية للأطفال وهيي مش صحية؟ كرمال يخدعولنا دماغنا بأشكال حلوة ونحنا نصدق ونشتريها وهيي مؤذية لجسمنا؟ هيك سألت وعبّرت ياسمينا. أنا…

Shows are listed from Apple Podcasts' charts and directory, and Podcast Index where it is used. Every show and episode belongs to its publisher and plays from the publisher's own feed; this site hosts none of them. Explicit shows are for adult profiles only, and children’s profiles hear only children’s shows. More about this list.