# 【十分鐘《金剛經》前置知識EP3】鳩摩羅什傳：絲路高僧到前秦國師；畜養伎女，只為傳經？丨哲學即食麵（21）丨《如是我聞：金剛經筆記》

An episode of [牛哥講經丨廣東話哲學、書籍分享](https://invisiblenetwork.ai/podcast/1572447901), 15 Dec 2025, 21 min.

Audio: https://anchor.fm/s/5d6da210/podcast/play/112625629/https%3A%2F%2Fd3ctxlq1ktw2nl.cloudfront.net%2Fstaging%2F2025-11-14%2F779e2740-683e-9c40-30c7-1b3af041143e.mp3

新疆克孜爾到依家仲有好多佛教洞窟，有啲洞穴仲早過敦煌。克孜爾石窟入面嘅壁畫有個特點，就係壁畫係直接傳承自古天竺，所以無漢化痕跡，入面嘅飛天造型拙樸，有啲仲隱約見到膊頭上面有翼，同後期漢化飛天嘅飄帶祥雲好唔同。 雖然今時今日，從世界地圖一望，會覺得新疆同印度距離好遠，加上之間具有高山險阻，大河阻隔，沙海橫亙，烈日暴雪，但唔好忘記，當年人類為咗商業、為咗信仰，喺荒漠間會走出條漫長嘅路。 於是，從喀什米爾、阿富汗、巴基斯坦到新彊，構成古代嘅絲綢之路——從大山同荒漠間靠綠洲連繫起來嘅一串鏈狀道路，作為商人嘅富貴險途，信仰者嘅宗教歷練。 克孜爾（今日新疆嘅庫車綠洲）就係其中一個中途站，喺古代，佢就叫做龜茲國，位於塔克拉瑪干沙漠北岸，嗰度商販雲集，經濟繁榮。呢個安逸嘅綠洲，四周都係險阻，隨時會有天災人禍。 • 旅行者經過一重又一重嘅難關，冒住財物失去，性命不保嘅風險，終於抵達呢個小國，得到一夕安寢。 • 但旅行者亦會從風聞嘅故事知道，呢個小國歷來受四周強大敵人嘅侵擾，柔然、嚈噠、匈奴，都曾經控制過呢個地區。 今集，我哋要講嘅人物，同龜茲國有莫大嘅關係，佢嘅人生，決定咗龜茲國嘅滅亡。 提提你，我哋計埋會員podcast，已經用印順法師講過五集《心經》入門知識，有興趣記得去聽。

Shows are listed from Apple Podcasts' charts and directory, and Podcast Index where it is used. Every show and episode belongs to its publisher and plays from the publisher's own feed; this site hosts none of them.